Sarah_Elles Blog

...Wuche xi! Die letschte 2Tag hanis no mau so richtig gnosse mit de Lüüt, d'Schueu isch immer no luschtig und churzwiilig xi-man, gloub, das hani ir Schwiiz säute erläbt, dass 4h Schueu sooo schnäu chöiii verby ga :-)-...und der Nami hani meischtens bim Käfele, oder Geschter no bim Abschidsgschänkli choufe für mini Family verbracht... :-)

Jetzt kommentieren!

Geschter Nami isch's de o wieder mau so richtig gruusig, chaut und rägnerisch xi *brrr* ...ha mer aber vo mire Gaschtmuetter la säge, dass es nid normau sig, dass es im Septämber scho sooo chaut isch! :-)

Ja, ja, mini Gaschtfamily wirdi scho vermisse-und die vile feine Pasta wo sie immer kochet hei für mi...hehe, ha fasch jede 2 Abe Pasta gässe, aber zum glück liebenis ja so! :-) Und d'Kelly mini Gaschtmuetter het mer sogar no mini Wösch gmacht-eifach sooo lieb! :-)

Jetzt kommentieren!

Sit 3Tag bini jetz tou vercheutet und muess gad chli ufpasse, dass i nid no ganz chrank wirde, wär gad nid so gäbig, für afange z'schaffe :-)...drum bini de Geschter nid so spät heicho-bi no mit anderne gmüetlech i nes Pub eis ga zieh-und ha hütt usgschlafe....jetz geits de as Koffere packe, am Abe nomau richtig d'Zyt im Usgang gniesse mit de Lüüt hie-teu wirdi auso scho sehr vermisse!-und Morn am Morge nimi de am 10.40am der Bus zrugg uf London und vo dert de ab nach Okehampton...

Jetzt kommentieren!

Bi sehr gspannt, was der uf mi zuechunnt, weiss ja immer no nid mau, was mi Job wird si :-)....