flori-momi-on-tours Blog
Ilha de Santa Catarina
11.02.2012 |
4 |
4 |
Brasilien - Ilha de Santa Catarina, Santa Catarina
...zu ort gfohrn, an kaff nochn ondern, kaum unterkünfte, leit a wianig afn weg. inagelling seinmr soo stuff gawedn, mit de rucksäck olm bus ini, bus ausi, dassmr in so an kaff gabliebm sein, in a oltn muffign haus, mir u di österreicher, di canadier hobms vorgazogn weiterzofohrn. wiamr nor endlich mol di rucksäck hobm in zimmer gatun u gawellt hobm afn strond gian, weil dr sel wer schian gawedn, hots ungfongen v zo schütten. in der guatn ortschoft sein krot amol 3 lokale gawedn, 2 gschäfter u a supermorkt. isch für ins schun klor gawedn dassmr in nägstn tog glei amol das weite suachn u liaber no awian busfohrn.
jo u iatz seinmr in barro do lagoa glondet. viele leit, viele gschäfter u restaurants u a super strond. gester hots leider no in gonzn tog gschüttet, nor seinmr fetznosser durch der ortschoft girrt af dr suche noch a günstiger unterkunft. iatz seinmr in an nettn hostel gleim bun strond u di canadier homr a wieder gatroffn. af nocht isch nor ollerhond los, do mir obr is nochtmol nit goraso guat gatun hot, isch dr flor nor allan feiern gongen mit di össis u di canadier u hot sich recht guat unterholtn, tolle party direkt bun strond. heint hot nor in gonzn tog di sunn gschienen, super fein gawedn, obr iatz af nocht fongs wieder un zuazoziagn. zun glick bin i iatz obr wieder fit u hoff dass is wetter heint heb, dass i a awian epes fa dr party hon. heint homr ins nämlich selber in hostel gakocht, vielmehr di össis hobm nudl gamocht an holb kilo für 2 personen, nor hobmsa ins inglodn u mir hobm za 4. leicht ganua gakriag.
ins gfollts recht guat do, mir geniessens!!!
liebe grüsse!!
Weitere Fotos
Kommentare (4)
-
(#1) susi sagte am 12.02. um 02:23 Uhr:
Fein wennr iats so a schiana ortschoft u a schians hotel hob gfunnen u schun so guati bekonntschoftn gschlossn hob...
Oh mann òsis u nudl kochn sel konn jo nit guat gian:-)) seinsa wenigstns nit vrkocht gawesn?
U wia wor di beachparty odr seitr gor nimr gongen?
Nr hoff i mol dass des wettr morgn no fùr an strond u schwimmtog heb:-D -
(#2) Cat sagte am 12.02. um 13:03 Uhr:
Zach wia schnell des ummergeat, iats seid es decht schun a Weile weg, super doss bis iats olles so guat gekloppet hot.
Bin gonz begeistert von die Fotos, überhaup die Wosserfälle sein der Wahnsinn.
Iats scheint jo a endlich is Wetter mitzuspielen :-)
-
(#3) touta sagte am 12.02. um 15:41 Uhr:
hei ihr zwoa!
wia i sieg geats enk super guat (außer a klaner mognverstimmung?!?!?). Mit sou an strond konns enk jo lei guat gian, oder?
i hoff dass enk die sunn nit schun wieder aufgabrennt hot, weil sel isch jo enker liabstes hobby :-)
dou ba ins insch olls ok, es isch (sch)eiskolt, ober wenn man guat ganua unleg, nocher geat des schun.
an schian gruaß va dr oma und viel spass und an schian urlaub!! losst lei wieder bol amol eppes hearn:-) -
(#4) Judl sagte am 13.02. um 12:49 Uhr:
Hi ihr 2! hon iatz die gonzn Beiträge fe der lesten Woche durchglesn..Fortl und i sein gestern Mitternocht fe London zrugkemmen, wo mir im Gegensotz olm eher gfroren hobn (ober wor wärmer als in Wien und sel isch jo schun mol wos *gg*) und wow...heart sich un, als werd ihr DIE routinierten Bachpacker schlechthin..! Bin gonz begeistert!! Momo, du hosch mir nit zu spät gratuliert, weil in London ischs jo 1Stund friaher, deswegen - in time!! Genießts weiterhin!! baci ed abbracci!!
Kommentar hinzufügen
Blogeintrag gelesen von 121 Besuchern.
Alle Blogeinträge nach...
- Mai 2012 (5)
- April 2012 (8)
- März 2012 (14)
- Februar 2012 (16)
- Januar 2012 (12)
-
Australien (10)
-
Brasilien (21)
-
Costa Rica (9)
-
Thailand (7)
-
USA (8)
Blog als RSS-Feed
Das Neueste zu diesem Land
Spam?